For ei veke det har vore. Fire dager med intensiv leiting etter ni ponnier som plutselig var sporlaust vekke. Fant dei heldigvis etterkvart på toppen av et fjell i nærleiken. Crazy gang. 😎

Nokre snille og vakre sauer og lamm har blitt sendt til slakt. 😥 Liker det absolutt ikkje.

Været har vore fantastisk fint. Og det trengtes etter ein våt og kald sommar.

Paringssauene er komne i hus. Lamma og pensjonistane er i hus. Halvparten av værane er og i fjøsen. Så berre nokre værer att på beitet. Åtte stk i utmarksbeitet som ikkje var klar for å komme på bøen enno (Les hester og strømmgjerde var i veien. 😉) Og gjeldsauene er inkvartert på vinterbeitet.

Vi har mista to gode venner på gården.

Sander den flotte og snille monsen vår på 2 år fikk en alvorlig luftveisinfeksjon som han ikkje vart frisk av. R.I.P. Sander.

Og ei av dei flotte kvite hønene vart offer for hønsehauken. Ho var akkurat kommet gjennom mytinga og hadde fått flotte nye fjær. Tok hønsehauken på fersken så ingen tvil om skyldspørsmålet. R.I.P. snille kvite høna.

Husbygginga er i gang igjen. Etter snekkeren har hat to veker med ferie. Vi har valgt kjøkken. Berre tusen detaljvalg igjen rundt heile huset.

Har solgt en del værer og værlamm til avl rundt om kring. Og en flokk sauer er og tinga.

Endelig litt tørt og fint haustver. Ponniane og sauene likar det. 🙂

Kåringa er overstått for i år. Hadde med to voksne værar. Oddvar GNS som fekk 1.pr. og Arnold grå trønder som fekk 2.pr. Sju værlamm som alle vart kåra. 1 sjeviot. 3 grå trønder derav fekk 1 1.pr. 3 GNS og derav fekk 1 Arnbjørn 1.pr. og en fekk 2.pr og Jonsokgutten til veslebonden vart kåra. 🙂

Vi har fått oss sju nye brune høns. Dei er flinke å verpe og meir og meir "normale" høner etter tilvære i gigaflokk. Ei av dei kvite hønene vart tatt av eit rovdyr. Trist å miste ei frisk kvit høne sånn. 😥

Huset veks framm dag for dag. Rart og godt att det berre er eit halvt år til vi flytter til Gryta igjen. På tide vil nok mange seie. Spennande å skulle få vårt heilt eige hus som ingen har budd i før. 🙂

Berre to kattungar att å selge. Ei er tinga og om ikkje det kjem noke seriøse folk til sistemann får han bli her. Må omplassere Sander uansett så då blir kattetalet konstant. 😉 Sander vart kastrert her om dagen. Blir stadig jaga av dei andre kattane. Så no må han bli i form og så flytte til noken som kan ha han som huskatt. 😎

Alle ponniane er tilbake i Gryta og omland. Det er ganske fint. 🙂

Lammesauene og lamma er klipt. Berre nokre få værer og værlamm evt att å klippe om en mnds tid.

Vaska 2.etg, foreta ute, låvebrua, brua i andre, og foreta i første. Berre hesteboksane og ute i første att å vaske.

Travle tider. Golvet på huset vårt er klart og veggane kjem sakte og sikkert på plass. 

Fem av kattungane har flytta. To skal vi beholde og fire leiter fortsatt etter gode eigarar.

Valet er om to dager. Og med ærleg jordnær politikk for folk flest blir det spanande å sjå resultatet.

Ellers går det mykje i kurs. Lærer mykje kvar dag. 

Skikkelig god dag på hoppesjået i dag.

Grytas Esmeralda 2.pr kval I og Stjernens Mini Sunlollie 2.pr kval II. Heilt overvelda. Både eg og Viktoria var overlykkelige for dei gode resultata. Viktoria skulle egentlig stille Lollie sjølv turte ikkje det likevel men men var no med og fekk premien for hoppa si. Og kjempestolt. Esmeralda var eg så heldig å få overta tilbake etter to år som leigd avlshoppe. Tusen takk til Paula for det. Og tusen takk til Mariann, Solea, og Kira for all assistanse på hoppesjået. Hadde ikkje gått uten dokke og den fantastiske samboeren og stesønnen som og var med og bidrog på mange måtar. Følla var og snille og tolmodige.

Her er det mildt sagt hektisk for tida. Husbygging pågår. Ponnistallen er flytta på ny plass og har fått innervegger og bokser på plass. Geitefjøs blir bygd på flotte gamle tufter. Heile TOLV søte små kattunger er komne til verden. Og dei tre mødrene er steriliserte. Heldigvis er mange interessert i kattunger. Og nokre er alt lova vekk.

Hoppene er påmeldt hoppeskue. Følla er i gang med grimetrening. En mnd å øve på. Tida fyk av gårde.

Natur og Ungdomm har for tida sommarleir i Vevring mot sjødeponi. Dyra våre fekk fredag besøk av 26 hyggelege ungdommar som kosa masse med ponniane og nlhestane. Og så var dei med og plukka to skuffer med høymoler. I går var vi å høyrde på knallrå musikk med Selma Stang og Blasfemisk Eksplosjon med "dumpe deponi" (råaste låta eg har høyrt på lenge).

Rundballane og bittelitt tørrhøy er hausta. Og gylle er kommen på for håslåtten.

Då er føllinga over for i år. 🙂 Esmeralda fekk eit stort flott hingsteføll etter Rosengårds Monsun 20.06. Føllet skal heite Grytas Bukefalos. Og virker å vere ein kontaktsøkande og søt liten hingst.

Rainbow veks og trivast. Er så koseleg å ha et føll som Rainbow som vart meget prega på menneske. Koser og leiker og har lyst å ha kontakt med oss menneska. Spesielt gøy for eigaren hans (på 6 år).😉

Ellers går det bra med alle dyra (untatt ei brun høne vi mista). Lamma veks og trivast og graset gror. No kjem det litt sol og. Så neste no blir rundballeslått og tørrhøy tørk.

Avløysar er på plass. Ikkje at vi skal reise noke plass. Likevel godt å ha avløysar som tek i et tak så eg slepp å vere ute av drift pga ryggen. Og så vert det nok litt fjellturar og dagsturar her i området.

Huset er og i gang å bli bygd. 🤩 Mur og grunnflate er klar. Og forskalingssnekkerane er i full gang. 20.august skal snekkeren ta til.

Ponniane koser seg rundt omkring på sommerbeite i beitepussar teneste. Meget praktisk. 😎

Etter å ha oppdatert litt på sida var det fort gjort å konstatere at en del ponnibilder treng oppdatering. Har da vitterlig finerer bilder en dei lurvas ponniane som er av unghingstane..... Må ta det en dag eg får tid..... Går litt i et med politikk osv for tida.

Ellers har vi fått eit kjempefint søtt lite hingsteføll. Grytas Rainbow ein rød/kvit flekkete hingst med stjerne etter Stjernens Mini Sunlollie og Rosengårds Monsun. Sto plutselig på beitet en morgen eg kom ei veke før tidligste termindato. Hoppa hadde kjempemykje tråte så han klarte ikkje å komme til spenane og eg klarte ikkje å få melka særlig mykje melk. Etter ei sprøyte med oxitocin og ei runde rundt halve Sunnfjord for å få fat i råmelk og melke diverse hopper kom heldigvis melkeproduksjonen og sugelærdommen på plass etter omlag eit og eit halvt døgn. Vart tre og ein halv time søvn på meg på den tida. Melke og flaske fore annakvar time. Så glad når suginga var lært og melka er på plass. 🙂

Svarten er lisensiert og skal i år få bedekke Carmen og Amanda. Det blir spennande føll. 🤩

Fleire av ponniane er i beitepussar teneste rundt om.

Lydia er på romantisk besøk hos ein eselhingst. Så no berre må det bli eselføll etter denne romansen. 😎

Lamma veks og trivast (untatt eit lamm vi mista uten noke god grunn).

Hønene verper og spankulerer rundt omkring.

Ti vakre og snille værar er sendt til slakt pga gjerdesniking og så dei fem værlamma som kom midt på sommaren i fjor.

Mykje tid har gått med på politikk nokre mnder no. Både kommunepolitikk. Og politikken rundt mineralprosjektet i nabobygda. Kjemper med nebb og klør for at ikkje deler av garden min skal bli regulert til industriområde. Så frustrerande at en skal måtte kjempe for å få lov til å vere bonde. Burde bli behandla som en konge for at ein gidd å drive med landbruk. Ikkje berre dyttast til side. Men men vi får no sjå om fornuften eller pengegriskheten seirer. 🤔

Veret er isande kaldt. Med mykje regn og nokre få solglytt imellom.

Her har det vore så travelt at eg ikkje har skrive noke på 2 mnder. Skremmande/imponerande.

Vi har fått 45 flotte friske lamm. Litt mindre ting har det vore og et lamm mista vi pga det kom til verden på den 1 og en halv time lange tilsynspausen og hadde hinna for snuten. Så kan ikkje klage på årets lamming. Og lamma er så søte og herlige. 🙂

Et nordlandshest/lyngshest føll er og komme til verden hos dei som skal overta hoppa ho er etter. Ei flott rød med stjernebless hoppe som har fått namnet Gryta Lyngs Venus. Venus kjem om alt går bra hit når ho er minimum et halvt år og avvendt. 🙂

Ellers har dagane gått med til gjerding, gylling, husrydding og dyrestell samt kurs og politikk. Hadde aldri klart det utan alle dei snille assistentane mine som er med å tar i et tak.

Fekk ei skikkelig gladmelding i går frå Monica Dahle Jørgensen. Eigaren til Grytas Prins Mars som reiste herfra som kåra hingst for to år sidan. På helgas hingstekåring fekk han 3.pr. som 5 åring. Og er dermed godkjendt og anbefalt til avl vidare. 🙂 Stolt. 🙂

Ellers går no dagane sin vandte gang. Ponnistallen er på reise. Frå der den sto til ei tomt vi skal støype platning på på ponnibeitet. Akkurat no står stallen midt på bøen på ponnibeitet. 😎 

Ikkje verst med flyttbar stall. Blir nok bra når den kjem på plass.

Hustomta er så å seie klar. Neste no er finpussing og betong.

Våren er kommen og graset gror. Muligens litt beiteslepp til veka. Værar og nokre få ponnier. Om å gjere å få dei på beite medan det er så lite at dei held beitet og tek litt tilleggsfor for å få en fin overgan.

To veker att til lamminga tek til. 🙂

Snåle dagar..... Fokuset er på familie og helse ikkje dyr og hesteavl.....

Men men det må og til av og til. Og nokre ting må en berre gjennom.

Nokre fine dagar har det vore med flott ver. Dyra har kosa seg desse dagane og vi og.

Fiona og Leopold har flytta. Både godt og rart å overlate Fiona og Leopold til andre.

Sauene veks til stadigheit og om 6 veker er det lamme tid. 🙂

Vara i kommunestyret har eg og vore. Og skjønt om eg gjorde det eg kunne fekk eg ikkje kommunestyret med på å bevare Dalen skule og leige vekk Fjorden skule til privatskule.

Vi er i gang med husbygginga. 🤪

Vinden uler rundt veggane og våren kjem med stormskritt nærare. Gleder meg til grønne beiter, små lamm, små føll og geiter på fjellet på prøve. :)

Har i dag lært noke om geiter eg ikkje viste. Og det var geitene som lærte meg det. Har ofte sett geitene stå å "angripe" ei buske med horna. Trudde dei sto og klødde seg mellom horna med buskene. I dag når eg fora dei med ei grangrein gjekk dei amokk på den med horna. Ikkje for å klø seg. Grunnen er at dei skaver laus bark med horna så dei lettare får fat i borka med tennene. Fantastisk å sjå og en fin ting å lære. Er ikkje mykje som kan måle seg med å få studere dyr slik.

Kjenner på at dyra som ikkje kan gå ut verkeleg lengtar ut no. Forstår ikkje at vi framleis held dyr i fjøsar vinteren gjennom. Eit minimum burde vere at dei fekk vere ute når det er fint ver. Men men ikkje så lett å få til med både ho og handyr og forskjellige grupperinger for foring.

Blir en del dyr som flytter no. Godt for dei og godt for å få betre plass i bygge og rive prosessane. Samtidig litt trist og rart. Men men det må til.

Tunge veker. 🤔

Sjukdomm og meire sjukdomm. Ingen praktikant. (Les lange dager på meg som må ta alt i små løft og snegle tempo.....) Hølj regn, hagl, lyn og torden. Det har vore ein prøvelse. 🤪

Men men no kom sola og tørrver for nokre dager så en kan få prøve å lade batteria litt i det minste. Det trengst.

Er så mykje på agendaen no. Måtte gje meg på å prøve å fungere i 20 % jobb i tillegg. Ikkje nubbesjans. Vart liksom litt forandring på alt av planer her plutselig.

Hus skal i gang å bygges. Så stall. 😙

Blir ikkje kjedelig her. I tillegg til ei kjempespennande utdanning eg held på med for å få meg en "fornuftig" jobb som kroppen min tåler.

Berre nokre få mnder igjen til beiteslepp(gjerdemareritt) og lamming og følling og slått.....😎 (Ok ok den med slått var kanskje litt drøy. ) Er så godt no når dagane vert lengre. Heilt fantastisk med fleire timar med sol. Godt for både kropp og sjel.

Kvir meg på å komme i gang med rivinga. Har så mange gode minner frå "praktikanthuset" og huset har sånn en fantastisk atmosfære. Har alltid vore yndlingshuset mitt sia eg var ganske så liten. Så får vi sjå om det huset vi skal bygge får en like god atmosfære. Blir hvertfall et kjempefint hus. Stallen blir det mindre vemodig å rive. Kan knapt vente på å få en ordentlig hoppestall med lufting og beite vegg i vegg med stallen.

Ellers går no dagane som vanlig. Og vi er som vi pleier.

Då var 2014 over og 2015 i gang. 😎

2014.

Eit år med mange refleksjoner og veivalg.

Etter ei mildt sagt nervepirrande hingstekåring i mars, der Svarten burde stått som ein av to kåra treårshigstar (hadde samme poeng som den einaste som vart kåra og dommeren bad oss møte igjen neste år fordi det absolutt ville vere verdt det), og ødela fleire mnders arbeid ved å ikkje la dyrlegen tafse han på ballane i løpet av nokre få sekund, og Pegasus ikkje vart kåra, var eg mildt sagt heilt demotivert på alt som gjaldt hest og utstilling. Ikkje alle hestar og alle menneske passar til å delta på utstilling. Eg elskar hestane mine og eg liker å drive med avl. Eg har derimot null behov for å vise hverken hestane eller meg sjøl til vurdering for andre. Einaste drivkrafta er stambokregistreringa. Ponnien er like god uansett kor tallrekka blir den eine dagen.

Spinnekurs var eg på. Og interessen for videreforedling av ull er absolutt vekt. 🤩

Vi fekk masse flotte lamm og kje og tre flotte shetlandsponni føll. Ei N/L hoppe og to shetlandsponnihopper er bedekte og venter føll i 2015.

Vakre Brumma kom til gards i løpet av sommaren. Og Brumma har blitt et fullverdig medlem av hesteflokken.

Beatrix og Carmen var på hoppeskue og gjorde det kjemebra. Beatrix med 2.pr. kval I og Carmen med 3.pr. Må seie oss godt nøgde med dei resultata. Og følla var eksemplariske på dei fleste måtar. 🙂

Året har i alt vore prega av fantastisk fint ver. Vi fekk tørka mykje høy og turt rundballefor vart det og. 🤪

På værlammkåringa vart værane til Viktoria godt premiert så Viktoria vart kjempestolt. Ming Bård fekk 2.pr. og Willie 1.pr. I tillegg fekk værlammet mitt Hibiscus 1.pr. og Arnold vart kåra. Saueavlen og kåringa er berre gøy. 🙂

Pegasus vart seld og reiste på våren. No er han skulert til barneponni.

Polaris vart og seld på sommaren. Og om alt går bra får vi kanskje sjå Polaris (den eksteriørmessig flottaste unghingsten vi har hat) til kåring neste år.

Ein god del værar og værlamm har flytta til andre gardar for å bli avlsværer. Og det er fint.

Langbeina fikk fire kattunger på sommaren og vi ga vekk tre av dei. Og beholdt ei pus. I oktober kom plutselig Langbeina med fire kattungar til. Derav er til no ei gitt vekk. 😙

Vi har fått oss ti høns. Fem kvite som kom i juni og har gitt oss gode egg sidan det. Og fem brune som kom i november. Veldig spennande å lære og bli kjendt med høns. 🙂

Ellers har mykje av året gått med til rydding på begge gardane våre. Mykje å ta tak i. Flott foringsplass til sauene har vi bygd. Og sauene kan no ete tørrføtt nokre meter over bakken i stadenfor i forhekker med smale sauer som trakker i maten og gjørme på beina. Stor forbedring. Meget fint. 😎

Eg har måtte gått ein del runder med meg sjøl og mi eiga helse dette året. Er ikkje berre lett å måtte lære å forstå at ein har ein rygg og kne som ikkje går å overbelaste lenger. Og å måtte tenkje fordeling av arbeid deretter er et stort steg å ta. Dele børene, ta mindre på gaffelen i slengen, ikkje bære tunge ting, maks to hester å fikse hover på (ryggen gjer ilt etter en halv stort sett), prøve å ungå fysisk handtering av sau meir en høgst nødvendig og be andre om å ta dei tyngste taka er ikkje heilt meg men men eg lærer etterkvart. I tillegg er eg i gang med utdanning og har tatt til i ein liten 20 % jobb. Så kjedeleg er det ikkje akkurat.

Hadde en plan om å få Storm for vogna i løpet av vinteren. Det hadde vore noke.......

Så får vi sjå kva 2015 bringer. Godt nyttår til alle som følger oss her. 🙂

Masse snø..... Ca 40 cm med snø har vi no.

Ponniane og sauene liker det. 🙂

Kattane var meget glade når eg hadde måkt gangvei så dei kunne gå rundt omkring og. 😎

Paringa er over for i år. Berre nokre få måneder til vi får sjå resultata av årets paringer.

2.juledag. Omsider fått sett Askepott på dvd. 😎

Er lenge sia eg kunne unne meg luksusen å sjå Askepott når den går på TV.....

Vi har eit flott juletre frå eigen skog i stova. 🙂 Masse flotte gåver var under treet. DVD om Rhinen, Islender (ull genser), fin ullgenser, lubbar spøta av ei god venninne av garn handspunne av søstra hennar frå hennar eigne GNS sauer, klippemaskinsolje, sauepute, presseninger, brodder, jakke, arbeidsbukse, verdens finaste bilde av ein fjellrev, sjal, hjulbolt skruer, julehefte, godteri, vin, handklær og kjeks. Vi har det temmelig luksus her til lands. (Om eg ikkje akkurat syns det når eg er i fjøsen og kald og skiten medan andre kosar seg i sine varme stover. Men men det er sjølvalgt og og gøy.) Går mange tanker til dei som ikkje har noke som helst i desse overflods dagane med god mat og drikke. Er rart kor verden er så skeivfordelt når her er meir en nok naturresurser til at alle kunne hatt rikelig med mat. Og at det finst krig og anna elende er totalt uforståelig når alle veit at fred og medmenneskelighet er det beste for alle. Nok julemelankoli.

Vi hadde vekevis med regn. Så kom det litt snø. Så sludd. Så fraus det til is overalt. Og på toppen av det er det no komme 15 cm snø. Ikkje trygt å gå noken plass. Sauene trekker i hus og ponniane er så vidt innom stallen. Morsomt å studere kontrastane der. Kattane ligg helst i varmen og hønene tripper rundt og småkakler. 😙

Året er snart omme. Det er i grunnen rart for dette året har godt i ein forrykande fart. 🤩

Vi mista en flott ung sau for to veker sia vakre Grytas Grey Luck. R.I.P Grytas Grey Luck.

Fantastisk flott ver no. :) Må brukast til noke fornuftig. Så i dag har vi reve det gamle gjerdet attmed foringsplassen. Sauene har fått midlertidig foringsplass i gamle ponniluftegarden og det funker supert. Greve vekk lausmassen og funne fjell. Her skal det byggast foringsplass med strekkmetall rister så vi slepp gjørme og regn på sauer og for når dei et. Blir genialt. 😎🙂

Brent ein masse pallar og råtne plankar og kvist som vi har rydda rundt om på garden. Deilig å få shina litt. 🙂

Ponniane forsto ikkje heilt at bål er skummelt...... Nosa heilt i flammane. 🤩

Paringa er i gang for i år. Så blir det en liten lammeflokk til våren og.

Går for lang tid mellom kvar gang eg skriv her. Så skal prøve å bli flinkere til det. 😎

No er vinteren kommen. Fjøsen er smikk full og i tillegg går 55 sauer og ni ponniar og kyrne på utegang. Irriterande å ikkje ha fått på plass stall enno. Men men har laga triveleg rom til sauene i kjellaren på det kvite huset. Der er det turt og fint når det stormar og bles. Og ponniane og kyrne er flinke å dele på utegangsstallen.  🙂

Vi har gjort utrulig mykje rundt om på garden. Bygd nytt ingangsparti med støypt dekke der vi legg rundballane i første etasje. Støypt en platning der vi legg rundballar i andre etasje. Og fått ordna med skikkelige grindstolpar og funksjonell grind mot utmarka. Ikkje så verst bonde sambuaren min når han berre vil. 😉
Neste prosjekt eg og sambuaren har på planen er ei utendørs forete med strekkmetall golv så sauene kan stå å ete uten at det blir gjørme rundt foringsplassen. Det burde kunne bli genialt.

Paringa er i gang for sauene. Stakkar hingstane må til tider evakuere bingane sine til fordel for værlamm og sauer som treng litt privattid for å få til paringa. 🤩

Dennis er godt tilbake i kvardagen på garden. Er eit spesielt bånd med Dennis. Måtte han berre bli heilt bra igjen. Verkar som såret gror sakte og sikkert likevel fortsatt mykje sår igjen og en daglig kamp å få spraya det med blåspray men men må man så må man.